წინანდლის ქუჩა

წინანდლის ქუჩა − ქუჩა თბილისში. ისანი-სამგორის რაიონი (ავლაბარი): ბოჭორმის ქუჩიდან ახმეტის ქუჩამდე. წარმოიქმნა XIX საუკუნეში. თბილისის 1876 წ. გეგმაზე დატანილია თედორე სიმონოვიჩის ქუჩის სახელწოდებით. თბილისის გამგეობის მიერ 1903 წ. შედგენილ ქუჩების სიაში შეტანილია როგორც წინანდლის ქუჩა. ქუჩაზეა ქალაქის ერთ-ერთი უძველესი სამკურნალო დაწესებულება – წმინდა ანდრია პირველწოდებულის სახელობის ქალაქ თბილისის მერიის შპს „პირველი კლინიკური“, ა. წულუკიძის სახელობის უროლოგიის ეროვნული ცენტრი. ქუჩას აქვს 1 შესახვევი.