წყალთბილა

წყალთბილა – სოფელი ახალციხის მუნიციპალიტეტში, თემის ცენტრი (სოფლები: აბათხევი, ნაოხრები, წინუბანი, ჯულღა), ზღვის დონიდან 1210-1370 მ სიმაღლეზე, ქ. ახალციხიდან 15 კმ მანძილზე. მოსახლეობის რიცხოვნობა – 1547, რიცხობრივად უპირატესი ეროვნება (98 %) – სომეხი (2002). საქართველოს მთავრობის 2015 წლის N 671 დადგენილების მიხედვით შესულია მაღალმთიან დასახლებათა ნუსხაში. მიდამოები უტყეოა. სოფელში მინერალური წყლებია. როგორც ფიქრობენ, სოფლის ძველი სახელწოდება „ტყისსოფელი” უნდა იყოს.

იხილე აგეთვე

წყალთბილას გოგირდოვანი წყალი

წყარო

სამცხე-ჯავახეთი: ცნობარი