წყალიკრეფია
NPLG Wiki Dictionaries გვერდიდან
წყალიკრეფია – (Aquilegia caucasica [Ledeb.] Rupr. = Aquilegia olympica Boiss.); ოჯახი: ხარისძირასებრნი (Helleboraceae). მცენარე 40-80 სმ სიმაღლისაა, შიშველი ან გაფანტულბეწვიანი. ფოთლები ორ-სამჯერ სამფოთოლავიანია, მათი ნაკვთები ძირში ოვალურ-სოლისებურია, დიდი ზომის, წვერში ბლაგვი. ყვავილები დიდი ზომისაა – 5-10 სმ დიამეტრის, ცისფერი. სანექტრეები თეთრია. ყვ. ნაყ. V-VIII. მცენარე იზრდება მთელ ტყიან კახეთში – მთის შუა სარტყლიდან ალპურ სარტყლამდე. ტყის პირას, მდელოებზე. ნახვა შესაძლებელია პანკისის ხეობაში, თუშეთის დაცულ ტერიტორიაზე, სოფელ დართლოსკენ მიმავალ გზაზე. ცნობილია თითქმის მთელ საქართველოში.
