წყლის მარწყვაბალახი
NPLG Wiki Dictionaries გვერდიდან
წყლის მარწყვაბალახი – (Comarum palustre L.); ოჯახი: ვარდისებრნი (Rosaceae). მრავალწლიანი ბალახოვანი მცენარეა, გრძელი მხოხავი ფესურით. ღერო მოწითალო ფერისაა, შებუსული, ფოთლები გრძელყუნწიანია შებუსული. ქვედა ფოთლები კენტფრთისებურია. ფოთოლაკები მოგრძო კვერცხისებურია, რომელთაც ქვედა მხარე მონაცრისფრო, ზედა კი მუქი მწვანე აქვთ. ჯამი მეწამული ფერისაა. გვირგვინის ფურცლები პატარა ზომისაა, ჯამის ფურცლები – მოკლე, მუქი მეწამული ფერის. ყვ. ნაყ. V-VII. კახეთში ეს მცენარე იზრდება მაღალმთის ჭაობებში, მდინარეებისა და ტბების ნაპირებზე. მისი ნახვა შესაძლებელია თუშეთის დაცულ ტერიტორიაზე, სოფელ დართლოსკენ მიმავალ გზაზე (მაკრატელას ქედი). საქართველოში გავრცელებულია სპორადულად.
