წყლულოვან-ნეკროზული ანგინები
წყლულოვან – ნეკროზული ანგინები (სპეციფიკური ანგინები) — არჩევენ ცალმხრივს და ორმხრივს.
- — ორმხრივი ყოველთვის ლეიკოზის და აგრანულოციტოზის დროს გვხვდება და ამიტომ ამ შემთხვევაში აუცილებელია სასწრაფო წესით ამ დაავადებების დიაგნოსტიკა.
- — ცალმხრივი, წყლულოვან ნეკროზული ანგინა ან Vincent-ის ანგინაა ან სიფილისი.
Plaut-Vincent-ის ანგინა, როგორც წესი, პატარა ან ახალგაზრდა პაციენტებში გვხვდება. ასევე, იმუნოდეპრესიულ პაციენტებშიც.
კლინიკური დათვალიერებისას ვხედავთ გლანდის ცალმხრივ წყლულოვან-ჩირქოვან დაზიანებას, რომელიც მარტო გლანდს აზიანებს. ტკივილი, ზოგ შემთხვევაში, იწვევს აფაგიას. ამ დროს, აუცილებელია პაციენტის ჰოსპიტალიზაცია და მისი რეჰიდრატაცია. ანტიბიოტიკების სპექტრი სასურველია იყოს: პენიცილინის ჯგუფი + მეტრონიდაზოლი (Amoxiclav+Flagil).
როდესაც სიფილისის დიაგნოზია, მაშინ საქმე სხვაგვარად არის. ზედაპირულად, დაზიანება შესაძლოა წააგავდეს დიფტერიულ ნადებს. აუცილებლად გამოიკვეთება ჰომოლატერალური ადენოპათია.
პალპაციით გლანდი, განსხვავებით Vincent-ის ანგინისაგან, მაგარია.
მიკროსკოპული კვლევა საბოლოოდ ადასტურებს ტრეპონემას არსებობას, რაც შემდეგ შესაძლოა, სეროლოგიამ დაასრულოს.
