ჭანტურია გიორგი
გიორგი ჭანტურია – Giorgi Chanturia (დ. 1957 - გ. 2018), ქართველი დიპლომატი, 1994-1996 წლებში საქართველოს პირველი საგანგებო და სრულუფლებიანი ელჩი აზერბაიჯანის რესპუბლიკაში.
დაიბადა: 24 მარტი, 1957 წელი, საქართველო.
განათლება:
1982 – დაამთავრა თბილისის სახელმწიფო უნივერსიტეტის ფილოლოგიის ფაკულტეტი.
სამუშაო გამოცდილება:
1989-მდე – მუშაობდა სახელისუფლებო სტრუქტურებში ხელმძღვანელ თანამდებობებზე, პარალელურად ეწეოდა სამეცნიერო-პედაგოგიურ მოღვაწეობას რესპუბლიკის უმაღლეს სასწავლებლებში;
1992-1993 – ასრულებდა საგანგებო დიპლომატიურ მისიას აზერბაიჯანში, აშშ-ში, დიდ ბრიტანეთში, გერმანიაში, შვეიცარიასა და ისრაელში;
1993 – იყო საქართველოს სახელმწიფო მეთაურის მრჩეველი საერთაშორისო საკითხებში;
1996-დან – საქართველოს პრეზიდენტის საგანგებო რწმუნებული და საქართველოს ნავთობის საერთაშორისო კორპორაციის (სნსკ) პრეზიდენტი.
ჯილდოები:
1999 – ღირსების ორდენი.
მინიჭებული აქვს საგანგებო და სრულუფლებიანი ელჩის დიპლომატიური რანგი.
