ხედითი ფილმი
NPLG Wiki Dictionaries გვერდიდან
ხედითი ფილმი – მეცნიერულ-პოპულარული, გეოგრაფიული, ეთნოგრაფიული, მხარეთმცოდნეობითი კინოფილმი წარმოიშვა კინემატოგრაფიის გამოგონებასთან ერთად (1895). თავდაპირველად ხედითი ფილმი წარმოადგენდა ამა თუ იმ ადგილმდებარეობის, ლანდშაფტის, ქალაქის ხედების, თუ ბუნების ცალკეული მოვლენების (ჩანჩქერები, მდინარეები, ლამაზი მთები, მოქმედი ვულკანები და სხვ.) ცალკეულ კადრებს. შემდგომში კი ხედით ფილმებს ქმნიან გეოგრაფიული კინონარკვევების სახით, აგრეთვე როგორც „ფილმ მოგზაურობებს“, რომლებშიც ნაჩვენებია ცალკეული ქვეყნები. ხედით ფილმებს დიდი შემეცნებითი მნიშვნელობა აქვთ.
