ხეშავი
NPLG Wiki Dictionaries გვერდიდან
ხეშავი – (Rhamnus cathartica L.); ოჯახი: ხეჭრელისებრნი (Rhamnaceae). 1.5-3 მ სიმაღლის ხეა ან ბუჩქი, ხორკლიანი, დახეთქილი, შავი ქერქით. ტოტები ეკლებით ბოლოვდება. ფოთლები მოპირისპირედ ან მორიგეობით განთავსებული, ელიფსური ან კვერცხისებური. კიდედაკბილული ყვავილედი იღლიურია, ყვავილი მომწვანო ყვითელია. ძირითადად, ერთსქესიანი, იშვიათად – ორსქესიანი. ყვ. ნაყ. VI-IX. მცენარე იზრდება მშრალ ადგილებში, ბუჩქნარებში, ტყის პირას. კახეთში მისი ნახვა შესაძლებელია ქალაქ თელავისა და სოფელ გომბორის მიდამოებში. ძირითადად გავრცელებულია სამხრეთ საქართველოში.