ხუენთხი

ჴუენთხ-ი (ადიღ. Къуентхъ – „ტროფეი“) – ადიღური ჩვეულება, რომლის თანახმად, თარეშით მოპოვებული ნადავლის ნაწილს (უპირატესად იარაღს) თარეშის ღმერთს – ზეკოთჰას სწირავდნენ. ხან-გირეის ცნობით, „ჩერქეზები ნადავლიდან საუკეთესო ნაწილს – იარაღს, ზეკოთჰასთვის გამოჰყოფდნენ, და იგი ნაკრძალ კორომში მიჰქონდათ, სადაც წმინდა ხეებზე ძველ იარაღს დღემდე ნახულობენ“.

ლიტერატურა

• Хан-Гирей Султан. Мифология черкесских народов//Кавказ, №35,1846;
• Шортанов А. Т. Адыгские культы. Нальчик, 1992.

წყარო

კავკასიის ხალხთა მითები და რიტუალები