ჯანელიძე ნუნუ

ჯანელიძე ნუნუ − (1962), პოეტი. დაიბადა ოჩამჩირის რაიონში. 1986 წელს დაამთავრა თსუ-ს სოხუმის ფილიალის ფილოლოგიის ფაკულტეტი. აფხაზეთის ომის შემდეგ საცხოვრებლად გადავიდა წყალტუბოში. მუშაობდა ტელეკომპანია „ედელვაისში”, ჰქონდა საავტორო გადაცემა „ჩემი აფხაზეთი”. ლექსებს წერს ბავშვობიდან, მისი ლექსები იბეჭდებოდა ჟურნალ-გაზეთებში: „ჩვენი მწერლობა”, „ლიტერატურული პალიტრა”, „ცისკარი”, „რიწა”, „ჩემი ქუთაისი”. 2006 წლიდან ცხოვრობს თბილისში, მუშაობს საყმაწვილო ჟურნალ „იალქანში”.

* * *

ბედნიერება ნიღაბია,

რომელსაც ვძერწავთ მთელი სიცოცხლე,

რომ დავმალოთ ცხოვრება ბერწი.

მთელი სიცოცხლე...

...ისე გვიმძიმს ჭირის გამხელა,

ვიდრე ნიღაბი ცივ სახეზე არ შეგვახმება.

ლექსი ის არის, რაც მე მსურდა ვყოფილიყავი:

შეურყვნელი, კამკამა წყარო;

თუმცა, უგნურმა ბევრჯერ ვცადე მისი ამღვრევა,

როცა ცოდვილი ხელით შევეხე.

წყარო

ქართველი პოეტები (ენციკლოპედია)