ჯაფარაშვილი ლალი

ლალი ჯაფარაშვილი

ჯაფარაშვილი ლალი − (1943), პოეტი. დაიბადა ხაშურში, იქვე დაამთავრა 1-ლი საშუალო სკოლა, შემდეგ კი - სპი. 1982 წლიდან მუშაობს თბილისის მოსწავლე ახალგაზრდობის ეროვნული სასახლის ლიტერატურულ სტუდიაში. მისი პირველი ლექსები, 1968 წელს, ჟურნალ „ცისკარში” დაიბეჭდა. 1979 წელს მისი პირველი ლირიკული ლექსების წიგნი „მზეკარა” გამოვიდა. 1986 წელს კი − ლირიკული ლექსების მეორე წიგნი „აპრილის ცრემლი”. 1985 წელს დაიბეჭდა მისი საბავშვო ლექსების პირველი კრებული „ქარი და ციყვები”, შემდეგ − „ყველა ფურცელი საჩუქარია” (2000) და „ყველაფერი თავდაყირა” (2007).

ენძელა

ჯერ გაზაფხულს ცხრა ომი

ჰქონდა გადასატანი,

ვიდრე უკანასკნელად

იტირებდა ზამთარი.

ვიდრე მოირთვებოდა

კორდ ია-იებით,

ვიდრე მოცურდებოდნენ

ვარდისფერი მთიები.

ვიხილავდით მინდორ-ველს

ვიდრე ზურმუხფერადა,

ჯერ სად იყო, ჯერ ისევ

თებერვალი ბერავდა

და მიმცხრალი მზის სხივი

არ ჰყოფნიდა სიცილად,

როცა თოვლქვეშ ეძელამ,

როგორც კვერცხში წიწილამ,

იბორგა და იწვალა,

ნაჟური სვა მუჭითა,

თოვლის სქელი ნაჭუჭის

გამოტეხვა უჭირდა.

მაგრამ ძლიერ იმარჯვა,

უნდა ითქვას მართალი,

და თებერვლის ერთ დილას

გამოტეხა ზამთარი.

წყარო

ქართველი პოეტები (ენციკლოპედია)