ჯგუფურა

ჯგუფურა (ლათ. Lyophyllum decastes (Fr.) Sing. რუს. Рядовка скучённая)

ქუდი – 5-10 სმ დიამეტრისაა, ბრტყლად ამოზნექილია, არასწორი სადა, მშრალი ზედაპირით; მონაცრისფროა, მონაცრისფრო-ყავისფერი, მუქჟანგ-მიწისფერი ყავისფრამდე. ფირფიტები შეზრდილი ან დაღმავალი, ხშირი, თეთრი, შემდეგ – მოყვითალო.

ფეხი – 5-12X1-2 სმ, ცილინდრული ან ძირისკენ მსხვილდება, მოთეთრო.

რბილობი – თეთრია, გემო და სუნი სასიამოვნო აქვს.

სპორები – 5-6 მკმ, ბურთისებრია, უფერული. სპორების მტვერი – თეთრი.

იზრდება ტყის, გზის პირებზე, პარკებში, საძოვრებზე და ა.შ. ჯგუფად, ზაფხულ-შემოდგომით. საჭმელი სოკოა. გამოიყენება ახალი, დამწნილებული, დამუჟუჟებული.

წყარო

საქართველოს სოკოები