ჯიბუტი (სახელმწიფო)
ჯიბუტი (Djibouti - ჯიბუტის რესპუბლიკა) – სახელმწიფო აფრიკის ჩრდილო-აღმოსავლეთ ნაწილში, ქვეყანას აღმოსავლეთით ესაზღვრება ადენის ყურე. უჭირავს სტრატეგიული მდებარეობა ბა-ელ-მანდების სრუტესთან, რომელიც აერთებს წითელ ზღვას არაბეთის ზღვასთან.
ფართობი - 23,4 ათ. კმ2.
მოსახლეობა - 879,5 ათ. კაცი (2012).
ოფიციალური ენები – არაბული, ფრანგული.
დედაქალაქი - ქ. ჯიბუტი.
ადმინისტრაციულად იყოფა 4 ოლქად და დედაქალაქის რაიონად.
სახელმწიფოს მეთაურია პრეზიდენტი, საკანონმდებლო ორგანო – ერთპალატიანი ეროვნული კრება.აღმასრულებელი რგანო - მთავრობა.
დამოუკიდებლობა გამოცხადდა 1977 წლის 27 ივნისს.
ეკონომიკა - ჯიბუტი სუსტად განვითარებული აგრარული ქვეყანაა. დიდ როლს თამაშობს მომსახურების სფერო და სატრანსპორტო მომსახურება.
საზღვაო პორტი და საერთაშორისო აეროპორტი - ჯიბუტი.
შეიარაღებული ძალები საერთო შემადგენლობით 10,45 ათ. კაცი (2012), სახმელეთო ჯარები 10 ათ., სამხედრო-საჰაერო 0,25 ათ. და სამხედრო-საზღვაო 0,2 ათ. დაკომპლექტება ხორციელდება დაქირავებული პირებით.
