ჯიმლა

ჯიმლა (წკრიალა სოკო)(ლათ. Marasmius oreades (Fr.) Fr. რუს. Опёнок луговой)

ქუდი – 2-5 სმ დიამეტრისაა, ჯერ კონუსისებრია, შემდეგ – ბრტყელი, შუაში ბორცვაკი ახასიათებს, კიდეები დაღარულია, ტიტველი ზედაპირით, მოყვითალო ყავისფერია. ფირფიტები მეჩხრადაა განწყობილი, თავისუფალი, მკრთალია.

ფეხი – 4-8 სმ სიგრძისა და 0,2-0,4 სმ სისქისაა, სწორია, ოდნავ ხრტილოვანი, მკვრივი, ქუდისფერია.

რბილობი – მკრთალი მოყვითალო, სოკოს სასიამოვნო სუნით.

სპორები – კვერცხისებრი, წაგრძელებული ბოლოთი, უფერული, 7-10X4-6 მკმ.

იზრდება ნიადაგზე ტყის პირებში, საძოვრებზე, მდელოებზე. გაზაფხულიდან გვიან შემოდგომამდე, ხშირად ქმნის „ქაჯის წრეს“.

გამოყენება საჭმელად ახალი და გამშრალი.

წყარო

საქართველოს სოკოები