ჯინჯიხაძე რუსუდან
NPLG Wiki Dictionaries გვერდიდან
რუსუდან ჯინჯიხაძე – დაიბადა ქალაქ ბათუმში, 1940 წელს, საშუალო სკოლის შემდეგ დაამთავრა პუშკინის სახელობის თბილისის პედაგოგიური ინსტიტუტი, ბიბლიოთეკათმცოდნის სპეციალობით.
ხანგრძლივი პერიოდის განმავლობაში მუშაობდა აკაკი წერეთლის სახელობის ბათუმის საჯარო ბიბლიოთეკაში, ბიბლიოგრაფიული განყოფილების უფროსად.
2012 წელს დაისტამბა მისი პირველი ლექსთა კრებული „ჩემი ჟირაფიკონა“ (საბავშვო ლექსები და გამოცანები). ამას მოჰყვა ლირიკული კრებული „ჩამონაგლეჯი პორტრეტიდან“ (2013).
რუსუდან ჯინჯიხაძის ლექსები და ლიტერატურული წერილები იბეჭდება რესპუბლიკის ჟურნალ-გაზეთებში.
