ჰამადოლა

ჰამადოლა – (ჰამიდოლა), რუსუდან მეფის (1223-45) ელჩი მონღოლთა გამგებელთან, რეგენტ ზურეგინა ხათუნთან (1242-44,45). ივარაუდება, რომ მან ყარა-ყორემში დასამტკიცებლად წაიღო რუსუდანისა და ბაიჩე-ნოინის, ამიერკავკასიაში დისლოცირებული მონღოლია სამხედრო ძალების მთავარსარდლის საზავო ხელშეკრულება. ამ ხელშეკრულებით რუსუდანი მორჩილებას უცხადებდა მონღოლებს და იმედოვნებდა, რომ მის ვაჟს – დავითს მეფობას დაუმტკიცებდნენ. ჰამადოლას ელჩობის ერთ-ერთი შედეგი იყო მონღოლთა ტყვეობიდან ივანე მხარგრძელის ასულის, სლათის გამგებლის მეუღლის, თამთას განთავისუფლება.

წყარო

ქართული დიპლომატიური ლექსიკონი