ჰიოსტრონგილოზი
NPLG Wiki Dictionaries გვერდიდან
ჰიოსტრონგილოზი – (hyostrongylosis; აღმძვრელის გვარის დასახელება Hyostrongylus + osis დაავადება), ღორის ჰელმინთოზი. აღმძვრელი, ნემატოდა – Hyostrongylus rubidus პარაზიტობს კუჭში. გავრცელებულია ყველგან. ავადდება ყველა ასაკის ღორი, მაგრამ უპირატესად, ერთ წელზე მეტი ასაკის.
სიმპტომები: სისუსტე, მადის დაკარგვა, მოძრაობის კოორდინაციის დარღვევა, წოლისაკენ მისწრაფება, წყურვილი, მუქი შეფერილობის ფეკალი, ზოგჯერ – ფაღარათი.
