Centaurea cheiranthifolia Willd
NPLG Wiki Dictionaries გვერდიდან
Centaurea cheiranthifolia Willd - (Cyanus cheiranthifolius [Willd.] Sojak); ოჯახი: რთულყვავილოვნები (Asteraceae). მრავალწლიანი ბალახოვანი მცენარეა, ქეჩისნაირად შებუსული. სიმაღლე – 10-45 სმ. ფოთლები ფრთისებურადაა განკვეთილი მომრგვალებულწვერიან მოგრძო ნაკვთებად. უფრო იშვიათად ფოთლები კიდემთლიანია, ხაზური ან ლანცეტა ფორმის. კალათები 20-25 მმ დიამეტრისაა. გარეთა ყვავილები დიდი ზომისაა – მოყვითალო და ოდნავ მეწამული ფერის. ყვ. ნაყ. VI-VIII. კახეთის რეგიონში სუბალპური და ალპური, ტენიანი და ღორღიანი მდელოების მცენარეა, თუმცა არცთუ ფართო გავრცელებისა. მისი ნახვა შესაძლებელია თუშეთის დაცულ ტერიტორიაზე, გომეწრის ხეობაში. საქართველოში გავრცელებულია სპორადულად ყველგან.
