Dianthus calocephalus Boiss
NPLG Wiki Dictionaries გვერდიდან
Dianthus calocephalus Boiss. - (Dianthus cruentus Griseb.); ოჯახი: მიხაკისებრნი (Caryophylaceae). მრავალწლიანი ბალახოვანი მცენარეა რამდენიმე აღმავალი შიშველი ღეროთი, ლეგა, მარტივი, სიმაღლე – 30-60 სმ. ფოთლები ხაზურია, გრძლად წაწვეტებული, შიშველი, კიდეებზე ხაოიანი, სიგრძით – 10-20 მმ. ყვავილედი კუმსი თავაკისებურია, მრავალყვავილიანია. თანაყვავილები ფართო-კვერცხისებურია, შებუსული. გვირგვინის ფოთლის ფირფიტა აგურისფერ-წითელით წვერზე მსხვილამოკვეთილკბილებიანი. ყვ. ნაყ. VI-VIII. მშრალი მდელოებისა და ბუჩქნარების მცენარეა. გავრცელებულია დაბლობიდან სუბალპურ სარტყლამდე. კახეთში მისი ნახვა შესაძლებელია დედოფლისწყაროსა და სოფელ გულგულის მიდამოებში.
