Veronica gentianoides Vahl
NPLG Wiki Dictionaries გვერდიდან
Veronica gentianoides Vahl
Veronica gentianoides Vahl. – ოჯახი: შავწამალასებრნი (Scrophulariaceae). მრავალწლიანი ბალახოვანი მცენარეა. მწვანე ან მონაცრისფრო. თითქმის მთლიანად შებუსულია, სიმაღლე – 10-40 სმ. ღერო დატოტვილია, გართხმული ან წამოწეული, შეფოთლილი. ფესვთანური ფოთლები მჯდომარეა, ერთგან ან ორგან ფრთისებურად განკვეთილი ხაზურ, მთლიან ან დაყოფილ ნაკვთებად. ყვავილედი მრავალყვავილიანია, იღლიური მტევანი. გვირგვინი ლურჯია, ცისფერი ან მოთეთრო. გვირგვინის ზედა, შუა ნაკვთი სამკუთხა-კვერცხისებურია. ყვ. ნაყ. V-VII. მცენარე გავრცელებულია მშრალ, ბალახოვან ფერდობებსა და ველებზე. კახეთში მისი ნახვა შესაძლებელია ლაგოდეხის დაცულ ტერიტორიაზე. გავრცელებულია მთელ საქართველოში.
