იხილეთ წყარო გვერდისთვის დივერტისმენტი

'''დივერტისმენტი''' - (ფრანგ. devertisment მხიარულება, გართობა), [[თეატრი|თეატრში]], XVII-XVIII სს-ში დრამატული (ზოგჯერ საოპერო ან [[ბალეტი|საბალეტო]]) სპექტაკლის ჩართული ან დასკვნითი ნაწილი, რომელიც შედგება წარმოდგენის სიუჟეტთან დაკავშირებული [[სიმღერა|სიმღერის]], ცეკვებისა და კომიკური სცენების, პაროდიისა და სამხიარულო ხასიათის ნომრებისაგან.

დივერტისმენტი ყოფითი მუსიკის სახეობაა. იგი შედგებოდა რამდენიმე ნაწილისაგან (ჩვეულებრივ 4-10) და განკუთვნილი იყო სხვადასხვა საკრავიერი შემადგენლობისათვის (ერთი საკრავიდან-კამერულ [[ანსამბლი|ანსამბლსა]] და ორკესტრამდე), შეიცავდა სონატისა და [[სიუიტა|სიუიტის]] ნიშნებს, ფართოდ იყენებდა საცეკვაო ჟანრებს, რითაც უახლოვდებოდა [[სერენადა]]ს, [[კასაცია (მუსიკა)|კასაცია]]სა და ნოქტიურნს. დივერტისმენტი გვხვდება ი. ჰაიდნის, ვ. ა. მოცარტისა და სხვ. ნაწარმოებებში. XIX ს-ში დივერტისმენტი, იშვიათი გამონაკლისის გარდა (შუბერტის „უნგრული დივერტისმენტი“), გადაიქცა სალონური მუსიკის ჟანრად. XX ს-ში [[ტერმინი]] დივერტისმენტი იხმარება [[სიუიტა (ქორეოგრაფიული კომპოზიცია)|საბალეტო სიუიტის]] აღსანიშნავად.







==წყარო==
[[მუსიკის ენციკლოპედიური ლექსიკონი]] 

[[კატეგორია:მუსიკალური ტერმინები]]
[[კატეგორია:მუსიკალური ჟანრები]]