იხილეთ წყარო გვერდისთვის დუნაევსკი ისააკ

[[ფაილი:Dunaevski is.jpg|thumb|150პქ|ისააკ დუნაევსკი]]
'''დუნაევსკი ისააკ ოსიპის მე''' - (რუს. Исаа́к О́сипович Дунае́вски, 18. I. 1900, ლოხვიცა, ახლანდელი პოლტავის ოლქი, – 25. VII. 1955, მოსკოვი), რუსი კომპოზიტორი, რსფსრ სახალხო არტისტი. სსრკ სახელმწიფო პრემიის [[ლაურეატი]].

1919 დუნაევსკიმ დაამთავრა ხარკოვის კონსერვატორია (ი. ახრონის [[ვიოლინო|ვიოლინოს]] კლასი; კომპოზიციას ასწავლიდა ს. ბოგატირევი). 1924-იდან მოსკოვის სატირის თეატრის მუსიკალური ნაწილის გამგე იყო. 1929-34 ლენინგრადის მიუზიკჰოლის მთავარი [[დირიჟორი]]. დუნაევსკი ავტორია 12 ოპერეტისა, რომელთაგან აღსანიშნავია: „სასიძოები“ (1927), „ოქროს ველი“ (1937), „ლაღი ქარი“ (1947), „კლოუნის ვაჟი“ (1950), „თეთრი აკაცია“ (1955) და სხვ.

დუნაევსკი რუსული მუსიკალური კინოკომედიის ერთ-ერთ ფუძემდებლად ითვლება. განსაკუთრებით პოპულარულია მის მიერ შექმნილი [[მუსიკა]] კინოფილმებისათვის: „მხიარული ახალგაზრდობა“ (1934), „სამი მეგობარი“ (1935), „მეკარე“ (1936), „ცირკი“ (1936), „კაპიტან გრანტის შვილები“ (1936), „ვოლგა-ვოლგა“ (1938) და სხვ. 

დუნაევსკიმ შექმნა მასობრივი სიმღერის ახალი ნაირსახეობა სიმღერა – [[მარში (მუსიკალური)|მარში]] („მხიარული ახალგაზრდობის მარში“, „სიმღერა კახოვკაზე“, „სპორტული მარში“, „სიმღერა მხიარულ ქარზე“, „ენთუზიასტების მარში“ და სხვ.). დუნაევსკს ეკუთვნის ლირიკული სიმღერები, სიმღერა-ვალსები („სასკოლო ვალსი“, „იფრინეთ მტრედებო“ და სხვ.). ძალზე პოპულარული იყო მისი „სიმღერა სამშობლოზე“. იგი [[ბალეტი|ბალეტების]], აგრეთვე დრამატული სპექტაკლების მუსიკის ავტორიცაა. დუნაევსკიმ გავლენა მოახდინა ბევრ საბჭოთა კომპოზიტორის შემოქმედებაზე.



==წყარო==
[[მუსიკის ენციკლოპედიური ლექსიკონი]] 

[[კატეგორია:კომპოზიტორები]]
[[კატეგორია:რუსი კომპოზიტორები]]
[[კატეგორია:რსფსრ სახალხო არტისტები]]
[[კატეგორია:საბჭოთა კავშირის სახელმწიფო პრემიის ლაურიატები]]