იხილეთ წყარო გვერდისთვის თეთრშუბლა ბატი

[[ფაილი:Tetrshubla bat.PNG|thumb|200px|თეთრშუბლა ბატი]]
'''თეთრშუბლა ბატი''' (ლათ. Anser albifrons Scopoli, 1762) − ფრინველი [[იხვისებრნი|იხვისებრთა]] ოჯახიდან. დიდი ზომის ფრინველია, ფრთა 380-455 მმ-ია, [[ნისკარტი (ფრინველის)|ნისკარტი]] 40-55 მმ, წონა – 2-3,2 კგ. მამალი დიდია დედალზე. შეფერილობაში სქესთა შორის განსხვავება არაა. საერთო შეფერილობა რუხია, მხოლოდ მუცლის მხარეს აქვს შავი ლაქები. შუბლზე აქვს 15-26 მმ სიგანის თეთრი ლაქა, რომლის მოსაზღვრედ მუქი ბუმბულებია. თავის დანარჩენი ნაწილი, კისერი, ბეჭები და ბეჭებს შორის არე, აგრეთვე მკერდის გვერდები მოწაბლისფრო-რუხია, ბუმბულების წვეროებში ნათელი ფერის არშიებით. ზურგი და წელი მუქი რუხია. მკერდი და მუცელი – ღია რუხი, უწესრიგო მსხვილი და მეჩხერი ან წვრილი და მრავალრიცხოვანი შავი ლაქებით. მომქნევები მურა-შავია, თეთრი ღეპეპებით. საჭის ბუმბულები მურა-შავია, თეთრი არშიებით. ნისკარტი ორფეროვანია: ნესტოებთან მოვარდისფრო-ხორცისფერია, ხოლო ქედის გასწვრივ ყვითელი. ფეხები მონაცრისფრო-ყვითელია. სქესობრივ სიმწიფეს აღწევს 4 წლის ასაკში. მანამდე რამდენიმეჯერ იცვლის შეფერილობას. პირველ წელს შუბლზე თეთრი ნიშანი არა აქვს, პირიქით, იგი უფრო მუქიცაა. არ ემჩნევა შავი ლაქები მუცელზეც.

აღწერილია 2 ქვესახეობა. [[საქართველო]]ში მოიპოვება დასავლური თეთრშუბლა ბატი – A. a. albifrons Scopoli, 1762.

====გავრცელება==== 
სახეობის ბუდობის არეალი მოიცავს ჩრდილოეთი [[ამერიკა|ამერიკის]] ჩრდილოეთ ზოლს, გრენლანდიას, [[ისლანდია]]ს. ევრაზიაში – ყინულოვანი ოკეანის კუნძულებს და ტუნდრის ზონას თეთრი ზღვიდან ჩუკოტკამდე. ზამთრობს [[მექსიკა]]მდე და ვესტინდოეთამდე, სამხრეთ [[ევროპა]]ში, შუა [[აზია]]ში, [[ინდოეთი|ინდოეთში]], [[ჩინეთი|ჩინეთში]], კორეასა და [[იაპონია]]ში. საქართველოში მოიპოვება მიმოფრენის დროს. [[ირანი|ირანში]] მოზამთრე ეგზემპლარები საქართველოს ტერიტორიაზე გამოჩნდებიან მარტის მეორე ნახევარში, ხოლო უკან ბრუნდებიან ოქტომბერში.

====ბიოტოპი==== 
ტბებითა და მდინარეებით მდიდარი ბუჩქნარიანი ტუნდრა, სადაც ბუდობისათვის ირჩევს შემაღლებულ, მშრალ ნაპირებს. ზამთარში მოიპოვება ველებში, მინდვრებსა და ზღვების სანაპიროებზე.

====გამრავლება==== 
მონოგამიური ფრინველია. ტუნდრაში (ბუდობის ადგილებში) გამოჩნდება ივნისში და დაწყვილდებიან. ბუდეს აწყობს მიწაზე შემაღლებულ ადგილას, კოლბოხებზე, მდიდარი ბალახნარებით. დებს 3-7 კვერცხს. კრუხად ჯდება მხოლოდ დედალი. საინკუბაციო პერიოდი 26-28 დღემდე გრძელდება.

====კვება==== 
ძირითადი საკვებია ბალახოვან მცენარეთა ნაზი, მწვანე ნაწილები. გადაფრენის დროს კულტურულ [[ლანდშაფტი|ლანდშაფტში]] იკვებება მარცვლოვანების აღმონაცენით. საკვებში შედის აგრეთვე მცენარეთა დაცვენილი თესლები.

====მნიშვნელობა==== 
ერთ-ერთი რიცხვმრავალი სახეობაა [[ბატი|ბატებს]] შორის და აქვს სანადირო, ზოგან სარეწაო მნიშვნელობა.



==წყარო==
[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:ბატისნაირნი]]
[[კატეგორია:იხვისებრნი]]