იხილეთ წყარო გვერდისთვის მალაზონია ნესტორ

[[ფაილი:Nestor malazonia.JPG|thumb|ნესტორ მალაზონია]]
'''მალაზონია ნესტორ''' —  (1892 – 1984),  დაიბადა სოფელ მამათში ([[ოზურგეთი]]). 1908- 1911 წლებში იყო სოფელ ძიმითში სასოფლო სამმართველოს კურიერი; 1919 წლიდან დაიწყო მასწავლებლობა ჯერ სოფელ აცანაში, შემდეგ მამათში; 1925 წლიდან მუშაობდა ბათუმში, ინდუსტრიულ ტექნიკუმში აღმზრდელ-მასწავლებლად, შემდეგი წლიდან − განათლების მუშაკთა კავშირის საოლქო გამგეობის პასუხისმგებელ მდივნად; 1941-1951 წლებში იყო გაზეთ „საბჭოთა აჭარის” სტილისტ-მთარგმნელი, 1951 წლიდან — გამომცემლობა სახელგამის რედაქტორი; 1926 წელს გამოაქვეყნა პირველი ლექსი. ავტორია წიგნებისა: „პატაკი ოქტომბერს”, „გულიზარი”, „გულის ხმა” (ლექსების კრებული), „ჩვენი ყვავილები”, „თაგვი”, „დაბადებულან გმირები” (ლექსების კრებული), „რჩეული” (ლექსების კრებული), „ჩვენი ყვავილები” (საბავშვო ლექსები).


:: '''პაწაწინა ლუიზა'''

::საწერ-კალამს წავეტანე,
::მამამ მითხრა: − ნუ იზამ!
::ხელში უთო დავიკავე,
::დედამ მითხრა: − ნუ იზამ!
::მუთაქები გადმოვყარე,
::დეიდამ თქვა: − ნუ იზამ!
::აბა, რა ქნას, თქვენ მითხარით,
::პაწაწინა ლუიზამ?
::რა ვაკეთო მუდამ სახლში,
::ჯერ არც ისე დიდი ვარ:
::ვერც სკოლაში, ვერც კინოში
::და ვერც ბაღში მივდივარ.
::რვეული მაქვს სახატავი,
::ვხატე, ვხატე ვარიკა,
::მაგრამ ფეხი და ვერც თავი
::ვერ მოვაბი, არ იქნა.
::წიგნიც კი მაქვს, რაა მერე,
::მე ხომ კითხვა არ ვიცი,
::და რომ მკითხონ − შიგ რას წერენ,
::ხომ სირცხვილით დავიწვი!
::ადვილია თქმა და დაშლა:
::„ნუ იზამ“ და „ნუ იზამ“,
::მაგრამ რა ქნას, თქვენ მითხარით,
::პაწაწინა ლუიზამ?

==წყარო==
[[ქართველი პოეტები (ენციკლოპედია)]]
[[კატეგორია:ქართველი პოეტები]]
[[კატეგორია:საბავშვო პოეტები]]
[[კატეგორია:მალაზონიები]]