იხილეთ წყარო გვერდისთვის მცირე თეთრი ყანჩა

[[ფაილი:Mcire tetri yancha.PNG|thumb|მცირე თეთრი ყანჩა]]
'''მცირე თეთრი ყანჩა''' (''ლათ''. Egretta garzetta Linnaeus, 1766) – ფრინველი [[ყანჩისებრნი|ყანჩისებრთა]] ოჯახიდან. საშუალო ზომის ფრინველია, ფრთა 235-300 მმ-ია, ნისკარტი − 75-90 მმ, წონა – 500 გ-მდე. სქესობრივი დიმორფიზმი სიდიდესა და შეფერილობაში არაა გამოხატული. ზამთარსა და ზაფხულში ორივე სქესის ფრინველი ქათქათა თეთრია. გამრავლების პერიოდში მამალს კეფაზე აქვს ორი ან სამი გრძელი ლენტისებური ბუმბული. მკერდსა და მხრებზე განვითარებულია ასევე გრძელი, მაგრამ დაცარული ბუმბულები. ზურგის მხრიდან იგი ჩვეულებრივად ცოტათი სცილდება კუდს. დედალს ასეთი წაგრძელებული ბუმბულები ნაკლებად აქვს განვითარებული. ზაფხულის ბოლოს წაგრძელებული ბუმბულები სცვივათ და განუახლდებათ მხოლოდ მეორე წლის გაზაფხულზე. ნისკარტი შავია, მაგრამ ძირი ყვითელი აქვს.

აღწერილია 4 ქვესახეობა. [[საქართველო]]ში მოიპოვება ჩრდილოური მცირე თეთრი ყანჩა. − E. g. darzetta Linn., 1766.

====გავრცელება==== 
სახეობის ბუდობის არეალი მოიცავს სამხრეთ [[ევროპა]]ს – [[პორტუგალია|პორტუგალიიდან]] და სამხრეთი [[საფრანგეთი]]დან, [[უნგრეთი]]სა და [[რუმინეთი]]ს გავლით, სსრკ სამხრეთ ნაწილში – დნესტრიდან [[კავკასია]]მდე; [[აზია]]ში–[[სირია]]ს, მცირე და შუა [[აზია]]ს, [[ირანი|ირანს]], აღმოსავლეთ [[ჩინეთი|ჩინეთს]] და [[იაპონია]]ს, სამხრეთით [[ინდოეთი|ინდოეთსა]] და ცეილონს. სპორადულად მოიპოვება [[აფრიკა]]შიც, აგრეთვე [[მადაგასკარი|მადაგასკარზე]]. არის ინდო-[[ავსტრალია|ავსტრალიის]] [[არქიპელაგი|არქიპელაგზე]], ზონდის კუნძულებიდან ახალ გვინეამდე და ავსტრალიამდე საქართველოში ცნობილია როგორც მობუდარი ფრინველი, თუმცა სხვადასხვა ადგილას იგი წლის ყოველ დროს გვხვდება.

====ბიოტოპი==== 
[[მდინარე]]ებისა და ტბების სანაპირო ჭალები, ნოტიო მდელოები და [[ჭაობი|ჭაობები]] [[ლელქაში]]თ, ბუჩქნარებითა და ხემცენარეებით.

====გამრავლება==== 
ბუდობს კოლონიებად. ბუდეს იკეთებს მაღალ [[ხე]]ებზე, იშვიათად - ლელქაშსა და [[ლერწამი|ლერწამზე]]. აპრილში დებს 3-6 კვერცხს. კრუხად მორიგეობით ჯდება ორივე სქესის ფრინველი, უფრო ხანგრძლივად კი – დედალი. საინკუბაციო პერიოდი 25 დღეს გრძელდება.

====კვება==== 
ძირითადი საკვებია წვრილი თევზები, ბაყაყები, წყლის ნაირგვარი მწერები და მათი ლარვები, კალიები, კუტკალიები და ჭიჭინობელები. 

====მნიშვნელობა==== 
მავნე მწერების მასობრივად განადგურებით გარკვეული სარგებლობა მოაქვს სახალხო მეურნეობისათვის.


==წყარო==
*[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:ყანჩისებრნი]]
[[კატეგორია:ყარყატისნაირნი]]
[[კატეგორია:თეთრი ყანჩა]]