იხილეთ წყარო გვერდისთვის მწვანე კვირიონი

'''მწვანე კვირიონი''' (ლათ. Merops superciliosus Linnaeus 1766) − ფრინველი [[ყაპყაპისნაირნი|ყაპყაპისნაირთა]] რიგიდან. 
* კლასი − ფრინველები (AVES)
* რიგი − [[ყაპყაპისნაირნი]] (Coraciiformes)
* ოჯახი − [[კვირიონისებრნი]] (Meropidae)
* გვარი − [[კვირიონი]] (Merops)
მწვანე კვირიონი პატარა ზომის ფრინველია, ფრთა 145-160 მმ-ია, კუდი (საჭის შუა წყვილი) − 130-155 მმ, [[ნისკარტი (ფრინველის)|ნისკარტი]] − 35-40 მმ, წონა − 40-50 გ. მამალი ოდნავ დიდია დედალზე. შეფერილობაში სქესთა შორის მცირე განსხვავებაა. საერთო შეფერილობაში ჭარბობს [[მწვანე (ფერი)|მწვანე]] ფერი. ბუმბულსაფარველი საკმაოდ რბილია, მაგრამ მჭიდროდაა მიტმასნილი სხეულზე და თანაბრად ლაპლაპა ზედაპირს წარმოქმნის. შუბლი ნისკარტის ძირში მოთეთროა, რომელიც შემდეგ თვალების ზემოთ მოცისფრო ზოლში გადადის პირის კუთხეებიდან, თვალების გავლით, ყურების მფარავებამდე საკმაოდ ფართო შავი ზოლი გადის. ლოყები [[ცისფერი]]ა, ნიკაპი [[ყვითელი (ფერი)|ყვითელი]], ხოლო ყელი – ყავისფერი. თავი ზემოდან, ზურგი, მკერდი და მუცელი ფირუზისფერ-[[მწვანე (ფერი)|მწვანე]]ა. კუდის ზედა მფარავები და შიგნითა მეორე რიგის მომქნევები მოცისფრო. ფრთები ზემოდან მწვანეა, პირველი რიგის მომქნევების ბოლოები − მურა საჭის ბუმბულები ზემოდან მწვანეა, ხოლო შუა წაგრძელებულ წყვილს ბოლოები მურა ფერის აქვთ. დედალს საჭის ეს შუა წყვილი შედარებით მოკლე აქვს.

აღწერილია 5 ქვესახეობა. [[საქართველო]]ში მოიპოვება ჩვეულებრივი მწვანე კვირიონი — M. s. persicus Pallas, 1773.

====გავრცელება==== 
სახეობის ბუდობის არეალი მოიცავს: [[აფრიკა]]ში − [[ტუნისი]]სა და [[ალჟირი]]ს სამხრეთ და საჰარის ჩრდილოეთ ნაწილებს, [[ეგვიპტე]]ს, კონტინენტის აღმოსავლეთ ნაწილს, აგრეთვე [[მადაგასკარი|მადაგასკარს]]; [[აზია]]ში − [[სირია]]ს, [[პალესტინა]]ს, მესოპოტამიას, [[ირანი|ირანს]], [[ავღანეთი|ავღანეთს]], ბელუჯისტანს, [[ინდოეთი|ინდოეთს]], [[ბირმა]]ს, სამხრეთ-აღმოსავლეთ [[ჩინეთი|ჩინეთს]], ინდოჩინეთს, ახალ გვინეას და ინდო-ავსტრალიის კუნძულებს. იზამთრებს სამხრეთ აფრიკაში, არაბეთის სამხრეთ ნაწილში და ინდო-ავსტრალიის [[არქიპელაგი|არქიპელაგზე]]. საქართველოში მცირე რაოდენობით მობუდარია მხოლოდ სამხრეთ-აღმოსავლეთ რაიონებში.

====ბიოტოპი==== 
ველები, ნახევარუდაბნოები და უდაბნოები დაბალი გორაკებით, ბორცვიანი ქვიშებითა და ხრამებით; [[მდინარე]]თა ხეობები, [[ფლატე]]ებიანი ნაპირებით; [[ოაზისი|ოაზისები]], [[ჭა|ჭები]], ადამიანის სამოსახლოების მახლობელი ადგილები. ყველგან მეჩხერი ბუჩქნარებით ან [[ლელი|ლელიანებით]].

====გამრავლება==== 
ბუდობს კოლონიებად. თხრის ღრმა სოროს ფლატეებზე, გორაკებსა თუ ბორცვებზე. მაისის პირველ ნახევარში დებს 4-6 კვერცხს. კრუხად მორიგეობით ჯდება ორივე სქესის ფრინველი. საინკუბაციო პერიოდი 20 დღეს გრძელდება.

====კვება====
ძირითადი საკვებია [[მწერები]], უპირატესად სიფრიფანაფრთიანები, რომელთაც იჭერს და ჭამს ფრენის დროს.

====მნიშვნელობა==== 
საფუტკრეების მახლობლად შეუძლია მნიშვნელოვანი ზიანის მოტანა. სხვაგან სასარგებლოცაა მავნე მწერების განადგურების გამო.

==წყარო==
[[საქართველოს ფრინველების სარკვევი]]
[[კატეგორია:ფრინველები]]
[[კატეგორია:ყაპყაპისნაირნი]]
[[კატეგორია:კვირიონისებრნი]]
[[კატეგორია:კვირიონი]]