იხილეთ წყარო გვერდისთვის სობინოვი ლეონიდ

[[ფაილი:Sobinovi leonid.PNG|thumb|140px|ლეონიდ სობინოვი]]
'''ლეონიდ სობინოვი''' – ( 26 მაისი 1872, იაროსლავლი – 14 ოქტომბერი 1934, რიგა, დაკრძალულია მოსკოვში), რუსი მომღერალი (ლირიკული [[ტენორი (ხმა)|ტენორი]]). 

1894 დაამთავრა მოსკოვის უნივერსიტეტის იურიდიული ფაკულტეტი. 1892-იდან მეცადინეობდა მოსკოვის ფილარმონიული საზოგადოების მუსიკალური დრამის სასწავლებელში. მონაწილეობდა იტალიური საოპერო დასის სპექტაკლებში, 1896-იდან „რუსული მუსიკის მოყვარულთა წრის“ კონცერტებში. 1897 შედგა სობინოვის დებიუტი მოსკოვის [[დიდი თეატრი]]ს სცენაზე (სინოდალის პარტია [[რუბინშტეინი ანტონ|რუბინშტეინი]]ს „დემონში“), სადაც მღეროდა მთელი თავისი შემ. მოღვაწეობის პერიოდში. გამოდიოდა აგრეთვე პეტერბურგის (უმთავრესად, [[მარიას თეატრი|მარიას]]), 1905-11 დასავლეთ ევროპის (მილანის „[[ლა სკალა]]“, მადრიდი და სხვ.) საოპერო თეატრებში. 1917-18 იყო მოსკოვის „დიდი თეატრის“ დირექტორი. სობინოვი რუსული კლასიკური ვოკალური ხელოვნების ერთ-ერთი უდიდესი წარმომადგენელია. გამოირჩეოდა ძალზე ლამაზი ხმით, არტისტიზმით, დრამატული ტალანტით, მაღალი საშემსრულებლო კულტურით. პარტიებიდან აღსანიშნავია: ბოიანი ([[გლინკა მიხეილ|გლინკა]]ს „რუსლან და ლიუდმილა“), ლევკო, ბერენდეი ([[რიმსკი-კორსაკოვი ნიკოლოზ|რიმსკი-კორსაკოვი]]ს „მაისის ღამე“, „თოვლია“), ვლადიმირი ([[ბოროდინი ალექსანდრე|ბოროდინი]]ს „თავადი იგორი“), ლოენგრინი ([[ვაგნერი რიხარდ|ვაგნერი]]ს „ლოენგრინი)“, რომეო ([[გუნო შარლ|გუნო]]ს „რომეო და ჯულიეტა“), ვერთერი, დე გრიე ([[მასნე ჟიულ ემილ ფრედერიკ|მასნე]]ს „ვერთერი“, „მანონი“), ჰერცოგი, ალფრედი (ვერდის „[[რიგოლეტო (ვერდი)|რიგოლეტო]]“, „[[ტრავიატა (ვერდი)|ტრავიატა]]“) და სხვ. სობინოვი კამერულ- ვოკალური ჟანრის დიდი ოსტატი იყო. სობინოვის სახელი მიეკუთვნა სარატოვის კონსერვატორიას.


==წყარო==
[[მუსიკის ენციკლოპედიური ლექსიკონი]]
[[კატეგორია:ვოკალისტები]]
[[კატეგორია:რუსი ვოკალისტები]]
[[კატეგორია:საოპერო მომღერლები]]