იხილეთ წყარო გვერდისთვის ტომპსონი ლიდია

[[ფაილი:Tompsoni lidia.PNG|thumb|ლიდია ტომპსონი]]
'''ლიდია (ელიზა) ტომპსონი''' − (Lydia Thompson - 1838-1908). ინგლისელი მოცეკვავე, [[კომედიანტი]], თეატრის მსახიობი და პროდიუსერი. ბურლესკური წარმოდგენების ყველაზე მნიშვნელოვანი და იმდროისთვის პოპულარული სახე.

მან შემოქმედებითი კარიერა [[დიდი ბრიტანეთი|დიდ ბრიტანეთში]], 1850 წლიდან დაიწყო, როგორც პანტომიმის მსახიობმა. ლიდია ტომპსონმა ჯერ კიდევ ლონდონის [[სცენა]]ზე [[ბურლესკი]] პოპულარულ [[ჟანრი|ჟანრად]] აქცია. შემდგომ, 1868 წლიდან, ელისაბედური ბურლესკი [[ამერიკის შეერთებული შტატები (აშშ)|ამერიკის შეერთებულ შტატებ]]ს გააცნო, საკუთარი დასის „ბრიტანელი ქერები“ მეშვეობოთ. ბურლესკი ყველაზე პოპულარულ გასართობად იქცა ნიუ–იორკში, 1868–1869 თეატრალურ სეზონზე. [[პანტომიმა|პანტომიმისა]] და ბურლესკის ექსცენტრულობა - [[კომედია|კომედიის]], [[პაროდია|პაროდიის]], [[სატირა|სატირის]], [[იმპროვიზაცია (თეატრი)|იმპროვიზაციის]], [[სიმღერა|სიმღერისა]] და [[ცეკვა|ცეკვის]] - საინტერესო კომბინაცია იყო. მრავალფეროვანი გამომსახველობითი ქმედებები, საკმაოდ უხამსი და გამომწვევი [[კოსტიუმი (თეატრალური)|კოსტიუმები]], ექსტრავაგანტური [[სცენური ეფექტი|სცენური ეფექტები]], თამამი ხუმრობები და კაშკაშა ფერების [[ნიღაბი (თეატრალური)|ნიღბები]] - ბრიტანული აუდიტორიისთვის საკმაოდ ნაცნობი იყო, მაგრამ ნიუ–იორკისთვის - პირველი და საკმაოდ ამაღელვებელი. ამიტომაც, ხელისუფლებამ მსახიობს აუკრძალა ამგვარი წარმოდგენების გამართვა.

ტომპსონი დასთან ერთად ლონდონში დაბრუნდა, სადაც გააგრძელა მოღვაწეობა, თუმცა [[ამერიკა]]ს, კონკრეტულად კი, ნიუ-იორკს ხშირად სტუმრობდა: 1886, 1888 და 1891 წლის ზამთრის სეზონებში. 1887 წელს იგი, როგორც პროდიუსერი და [[მენეჯერი]], ლონდონში აარსებს „სამეფო სტრენდის“ თეატრს (the Royal Strand Theatre), სადაც, ძირითადად, კომიკური ხასიათის ოპერეტებსა და [[მუსიკალური კომედია|მუსიკალურ კომედიებს]] დგამდნენ, რომლებშიც ტომპსონიც მონაწილეობდა. მაგრამ, მას ამერიკა იზიდავდა და 1894 წელს იგი კვლავ ესტუმრა ნიუ-იორკს, თუმცა, წარმოდგენა - „საზოგადოების ქერქში“ - წარუმატებელი აღმოჩნდა დიდ კონტინენზე. ლიდია ტომპსონი იძულებული გახდა ლონდონს დაბრუნებოდა. 


==წყარო==
[[მსოფლიო თეატრის ისტორია წიგნი III]]
[[კატეგორია:მსახიობები]]
[[კატეგორია:ინგლისელი მსახიობები]]

.