იხილეთ წყარო გვერდისთვის ტუგუტის კონვენცია 1771

'''ტუგუტის კონვენცია 1771''' – ავსტრია-თურქეთის საიდუმლო შეთანხმება [[ავსტრია|ავსტრიის]] მიერ [[თურქეთი]]სათვის დახმარების გაწევის შესახებ [[რუსეთ-ოსმალეთის ომი 1768-74|რუსეთ-თურქეთის ომში 1768-74]], დაიდო 6.VII კონსტანტინოპოლში. ეწოდა კონსტანტინოპოლში ავსტრიის დესპანის რ. ტუგუტის სახელი. ცნობილია ასევე, როგორც ავსტრია-თურქეთის კონვენცია 1771. 

კონვენციის თანახმად, ავსტრიამ იკისრა, დახმარებოდა თურქეთს იმ მიწების დაბრუნებაში, რომლებიც [[რუსეთი]]ს [[ჯარები|ჯარებმა]] [[ომი]]ს დაწყების შემდეგ დაიკავეს. ასევე რუსეთთან მომგებიანი [[ზავი]]ს დადებაში, როგორიც იყო ბელგრადის საზავო ხელშეკრულება 1739 (18(29).IX). ამისათვის თურქეთს ავსტრიისათვის უნდა გადაეხადა ფულადი [[სუბსიდია]] 10 მლნ პიასტრის ოდენობით. გადაეცა მისთვის მცირე ვლახეთი, გაეთავისუფლებინა ავსტრიის [[ვაჭრობა]] ყველა გადასახადისაგან, დაეცვა ავსტრიული ხომალდები ჩრდილოაფრიკელი [[კორსარი|კორსარების]] თავდასხმისაგან. კონვენციის ხელმოწერის დროს [[ავანსი]]ს სახით თურქეთმა ავსტრიას 3 მლნ პიასტრი გადაუხადა, კონვენციის დადების შემდეგ ავსტრია-თურქეთის ურთიერთობაში ცვლილებები მოხდა რეჩ-პოსპოლიტას გაყოფის შესახებ შეთანხმებასთან დაკავშირების. ავსტრიამ თურქეთს დიპლომატიურ და სამხედრო მხარდაჭერაზე უარი უთხრა. რუსეთ-თურქეთის ომი დასრულდა [[ქუჩუქ-კაინარჯის საზავო ხელშეკრულება 1774|ქუჩუკ-კაინარჯის საზავო ხელშეკრულებით 1774]]. ავსტრიამ არა მხოლოდ არ დაუბრუნა თურქეთს [[სუბსიდია|სუბსიდიის]] უკვე გადახდილი ნაწილი (3 მლნ პიასტრი), მისგან ბუკოვინაც მიიღო. 

==წყარო==
* [[ქართული დიპლომატიური ლექსიკონი]]
[[კატეგორია:ავსტრია-თურქეთის ურთიერთობები]]
[[კატეგორია:ავსტრია-თურქეთის საიდუმლო შეთანხმებები]]
[[კატეგორია:კონვენციები]]