იხილეთ წყარო გვერდისთვის ფაქტორინგი

'''ფაქტორინგი'''  - (factoring აგენტი, შუამავალი), სავაჭრო-საკომისიო ოპერაციების ნაირსახეობა, შერწყმული კლიენტის [[საბრუნავი კაპიტალი]]ს [[დაკრედიტება]]სთან, რომლის დროსაც სპეციალიზებული კომპანია - [[ფაქტორ-კომპანია]] იძენს კლიენტის [[დებიტორული დავალიანება|დებიტორულ დავალიანება]]ს, რათა შემდეგში გადაახდევინოს იგი მევალეს. უფრო ხშირად ფაქტორ-კომპანია იძენს კლიენტის ანგარიშფაქტურას იმ პირობით, რომ [[მიწოდება|მიწოდების]] [[ღირებულება|ღირებულების]] 20%-მდე გადაიხადოს დაუყოვნებლივ, დარჩენილი ნაწილი ([[კრედიტი|კრედიტისათვის]] [[პროცენტი|პროცენტის]] გამოკლებით) - მკაცრად დადგენილ ვადაში. საფაქტორინგო მომსახურების ღირებულება დამოკიდებულია მის სახეზე, ოპერაციის მოცულობაზე, საგადასახადო ვალდებულებათა ხარისხზე და ა.შ. აქედან გამომდინარე, ფაქტორინგი აღიარებულია კლიენტის მომსახურების უნივერსალურ ფორმად. კლიენტი ფაქტობრივად ინარჩუნებს მხოლოდ წარმოებრივ ფუნქციას. ამის შედეგად დაზოგილი ფულადი სახსრები ხმარდება საფაქტორინგო მომსახურების ამაღლების ანაზღაურებას. კლიენტი მიღებულ [[კრედიტი|კრედიტზე]] პროცენტის გარდა იხდის საკომისიოს წლიური საბრუნავი თანხის 0,75-4%-ის ოდენობით. ფაქტორინგი აჩქარებს კლიენტის კაპიტალის ბრუნვას და აფართოებს [[საბანკო კრედიტი]]ს მიზიდვის შესაძლებლობებს. საგარეო-ეკონომიკურ ურთიერთობებში მოკლევადიან დაკრედიტებასა და საშუამავლო კომერციულ საქმიანობაში ფართოდ გამოიყენება საერთაშორისო ფაქტორინგი. ფაქტორ-კომპანია ათავისუფლებს ექსპორტიორს საკრედიტო რისკისაგან (განსაკუთრებით - აუთვისებელ [[ბაზარი (ეკონომიკა)|ბაზრებზე]]) და, აქედან გამომდინარე, კრედიტის დაზღვევასთან დაკავშირებული ხარჯებისაგან.




==წყარო==
[[თანამედროვე ეკონომიკის ენციკლოპედიური ლექსიკონი]]
[[კატეგორია:ეკონომიკური ტერმინები]]
[[კატეგორია:ვაჭრობა]]