იხილეთ წყარო გვერდისთვის ხირამ I დიდი

'''ხირამ I დიდი''' - (ძვ.წ. 969-936) – [[ტიროსის სამეფო|ტიროსის]] მეფე, აბიბაალის ძე. ხირამ I-ს მეფობა ტიროსისთვის აყვავების პერიოდი იყო. ის 34 წლის განმავლობაში განაგებდა ახლო აღმოსავლეთის ერთ-ერთ უმნიშვნელოვანეს ქალაქს და საზღვაო პორტს. ხირამს მიეწერება ტიროსში [[გალავანი|გალავანის]] და [[ბასტიონი|ბასტიონების]] მშენებლობა, ძველი ტაძრების აღდგენა, ახლების აგება. 

ხირამ I კვიპროსთან აწარმოებდა [[ომი|ომებს]] და საბოლოოდ მოახერხა ამ მნიშვნელოვანი კუნძულის დამორჩილება. როდესაც [[იერუსალიმი|იერუსალიმში]] [[დავით წინასწარმეტყველი|დავით]] იესეს ძე გამეფდა, ხირამმა მასთან ელჩები გააგზავნა, ძღვენი მიართვა და [[იერუსალიმის ტაძარი|უფლის ტაძრის]] მშენებლობაში დახმარებასაც შეპირდა. ხირამმა მიაწოდა დავითს მასალა მეფის სასახლისთვისაც. ამ პერიოდში ტიროსსა და [[ისრაელი|ისრაელს]] შორის ძალიან თბილი ურთიერთობა იყო და გაცხოველებული ვაჭრობა მიმდინარეობდა. ასე გაგრძელდა დავითის ძის, [[სოლომონ ბრძენი|სოლომონის]] მმართველობისასაც. სოლომონმა კავშირი შეკრა ხირამთან, რომელმაც მას უფლის ტაძრის ასაგებად [[ლიბანის ნაძვი|კედრის]] და კიპაროსის ხის მასალა, [[ოქრო]], ხელოსნები, დურგლები და ქვისმთლელები გაუგზავნა. სოლომონმა სამაგიეროდ ზეთი და [[ხორბალი]] გაუგზავნა და ძვ.წ. 946 წელს გალილეის მხარეში 20 ქალაქი აჩუქა. ეს ქალაქები ხირამს არ მოეწონა, თუმცა ამის გამო სოლომონთან მეგობრობა არ დაურღვეეია. [[ბიბლია|ბიბლიის]] მიხედვით ხირამმა იერუსალიმის ტაძრის მშენებლობაში ისრაელისთვის დასახმარებლად გაგზავნა განათლებული, გამოცდილი და ნიჭიერი მოხელე, ხირამ-აბია. სწორედ ის მეთაურობდა უფლის ტაძრის მშენებლობას. სწორედ მას თვლიან მასონთა ორდენის ლეგენდარულ შემქმნელად და პირველ ოსტატად. 

მეფე ხირამ I დიდი ძვ.წ. 936 წელს გარდაიცვალა და ის ტიროსში დაკრძალეს. 



==წყარო==
[[ბიბლიის სამხედრო ენციკლოპედია]]
[[კატეგორია:მეფეები ბიბლიაში]]
[[კატეგორია:ტიროსის მეფეები]]