ამირეჯიბი ჭაბუა

01:32, 5 მაისი 2020-ის ვერსია

ჭაბუა ამირეჯიბი

ამირეჯიბი მზეჭაბუკ (ჭაბუა) – (დ. 18 ნოემბერი, 1921, თბილისში – გ. 12 დეკემბერი, 2013). რომანების, მოთხრობების, საბავშვო იგავ-არაკების, პუბლიცისტური სტატიების ავტორი; მიენიჭა სახალხო მწერლის წოდება. სახელმწიფო, შოთა რუსთაველის და დავით გურამიშვილის პრემიების ლაურეატი; ხელოვნების დამსახურებული მოღვაწე; ვახტანგ გორგასლის, ღირსების და წმინდა გიორგის ოქროს ორდენის კავალერი.

განათლება – თბილისის სახელმწიფო პედაგოგიური ინსტიტუტის არასრული კურსი.

სამუშაო გამოცდილება

• არალეგალური ანტისაბჭოთა ორგანიზაცია „თეთრი გიორგის“ ერთ-ერთი დამაარსებელი.
• სახელმწიფო საბჭოს წევრი (1992);
• თავდაცვის ფონდის თავმჯდომარე (1992-95).
• საქართველოს რესპუბლიკის პარლამენტის წევრი (1994-95): საკომპენსაციო სიით, საქართველოს ეროვნული თანხმობისა და აღორძინების კავშირი.
• საქართველოს მწერალთა და კინემატოგრაფისტთა კავშირების წევრი;

პოლიტპატიმარი (1944-59). 2010 წელს აღიკვეცა ბერად (ბერი დავითი). დაკრძალულია ქართველ მწერალთა და საზოგადო მოღვაწეთა მთაწმინდის პანთეონში.

წყარო

საქართველოს პარლამენტის წევრები 1990-2015‏‎