აბაშიძე ვლადიმერ (პოეტი)

18:37, 16 თებერვალი 2022-ის ვერსია

აბაშიძე ვლადიმერ (1859 − 1917), ქართველი პოეტი. დაიბადა სოფელ დილიკაურში (ზესტაფონი); დაამთავრა თბილისის პირველი გიმნაზია. იყო ნ.ავალიშვილის მიერ 1867 წ ჩამოყალიბებული დრამატული თეატრის წევრი. 1878 წ გაზეთ „დროებაში“ გამოქვეყნდა მისი ლექსი „ე. ნ-ს“ („ისევ შენ და ისევ შენ...“, მიძღვნილი ელენე კონსტანტინეს ასულ ნიჟარაძისადმი). შემდგომში ეს ლექსი შევიდა კრებულებში („სალხინო საზანდარი“, „ჩანგი“) ავტორის დაუსახელებლად. ლექსი ხალხში სიმღერად იქცა, კომპოზიტორმა ანდრია ყარაშვილმა კი შექმნა პოპულარული ქართული რომანსი. ეს სიმღერა ამშვენებდა ვანო სარაჯიშვილის რეპერტუარს.

წყარო

ქართველი პოეტები (ენციკლოპედია)