აჯიაშვილი სიმონ

22:21, 19 თებერვალი 2022-ის ვერსია

სიმონ აჯიაშვილი

სიმონ აჯიაშვილი (დ. 23 მარტი, 1944, სენაკი – გ. 5 იანვარი, 2013). — მთარგმნელი, მწერალი. წიგნების ავტორი; საქართველოს სახელმწიფო პრემიის, შოთა რუსთაველის, სახელმწიფო, ილია ჭავჭავაძის და ივანე მაჩაბლის პრემიების ლაურეატი; პროფესორი, ღირსების ორდენის კავალერი.

განათლება – თბილისის სახელმწიფო უნივერსიტეტის აღმოსავლეთმცოდნეობის ფაკულტეტი (1967).

სამუშაო გამოცდილება

• ეწეოდა სათარჯიმნო საქმიანობას (ირანი, 1968-71);
• მუშაობდა მწერალთა კავშირში (1974-90);
• იყო სახელმწიფო საბჭოს წევრი (1992).
• საქართველოს რესპუბლიკის პარლამენტის წევრი (1992-95): საკომპენსაციო სიით, საარჩევნო ბლოკი „ერთობა“.
• პარლამენტის წევრი (1995-99): საქართველოს მოქალაქეთა კავშირის პარტიული სიით, საგარეო ურთიერთობათა კომიტეტის წევრი.
• პარლამენტის წევრი (1999-2004): საქართველოს მოქალაქეთა კავშირის პარტიული სიით, განათლების, მეცნიერების, კულტურისა და სპორტის კომიტეტის წევრი.
• ქართველ ებრაელთა მსოფლიო კონგრესის თავმჯდომარე.

წყარო

საქართველოს პარლამენტის წევრები 1990-2015