ბუკია ციცინო
NPLG Wiki Dictionaries გვერდიდან
(სხვაობა ვერსიებს შორის)
(ახალი გვერდი: ციცინო ბუკია '''ბუკია ციცინო''' − (1980), ქართველი მ...) |
მ (მომხმარებელმა Tkenchoshvili გვერდი „ბუკია ციცინო“ გადაიტანა გვერდზე „ციცინო ბუკია“) |
13:54, 23 თებერვალი 2022-ის ვერსია
ბუკია ციცინო − (1980), ქართველი მწერალი და პოეტი. დაიბადა გალში. 1998 წელს დაამთავრა თბილისის 191-ე საშუალო სკოლა, 2005 წელს კი – სტუ-ს ჰუმანიტარულ-ტექნიკური ფაკულტეტის ბაკალავრიატი და მაგისტრატურა, ჟურნალისტის სპეციალობით. იყო ჟურნალ „ბიოლოგიური მედიცინის” რედკოლეგიის წევრი და მთავარი რედაქტორი, „მწერლის გაზეთის” ლიტმუშაკი და პასუხისმგებელი მდივანი. ამჟამად არის კავკასიის საერთაშორისო უნივერსიტეტის და სეუ-ს პროფესორი. გამოცემული აქვს რომანები: „გრძნეულთა ქალაქი” და „ცისარტყელა ღრუბლებში”
- ეს გაზაფხული
- ბოლო დროს ისე მენატრები... აღარ გიგონებ,
- არ შემიძლია ამ მოძრავი სივრცის ატანა,
- ეს გაზაფხული უფრო მეტად
- წააგავს ყმაწვილს,
- რომელსაც ტანზე სიხარული გამოაყარა...
- და ეს მარტივი და ბეჩავი და უამური,
- დამყვება ისე მონატრება, რომ არ ვიგონებ
- ისეთ სიხარულს, დროშასავით, ზეიმით,
- ქარში ტანმოფრიალეს, როცა მხოლოდ
- გზას და სიშორეს
- შეეძლო ნისლის გამოწვევა და გაავდრება,
- თითქოს სუდარა მოიცვაო ნებით ქალაქმა...
- დრომ ყველა წყალი
- უსასრულო სიღრმეებს მისცა,
- ყველა სიცხადე თვითნებურად გადაალაგა...
- ბოლო დროს ისე მენატრები... აღარ გიგონებ,
- არ შემიძლია ამ მოძრავი სივრცის ატანა,
- ეს გაზაფხული
- უფრო მეტად წააგავს ყმაწვილს,
- რომელსაც ტანზე სიხარული გამოაყარა.
