გულუა დათა

18:29, 27 თებერვალი 2022-ის ვერსია

გულუა დათა – (1984 – 2003), ქართველი პოეტი. დაიღუპა ავტოავარიის შედეგად და მისი გარდაცვალების შემდეგ გამოიცა კრებულები: „დავბრუნდი თქვენთან” და „მე მაინც მიყვარს ის სასწაული, თეთრი კვიცივით უცებ რომ გარბის”.

ცრემლის ორდენი

წვიმა მოვარდა, ბინდი მოყარა,

სარკეებივით გზას დააფინა გუბენი.

ახალუხებში მოდიოდა ნისლის მაყარი,

პეიზაჟს ხატავს ციდან რუბენსი.

ქარი გააპეს სილუეტებმა,

წამით შეჩერდა ფოთოლთა ვალსი

და ილუზიის ჭრელმა ეტლებმა

ჩამოგსვეს ჩემთან, გატეხეს ნავსი.

მარგალიტები მკერდს ჩამოგშლია,

სხეული გიგავს ზამთრის სასახლეს,

თეთრი ღამისთვის რომ უყეფია,

თვით ნევის პირას კოლონადებით,

იდუმალებით, მეფის სამარეს.

წყარო

ქართველი პოეტები (ენციკლოპედია)