ნავიგაცია

მიმდინარე ცვლილება 14:25, 29 აგვისტო 2022 მდგომარეობით

ნავიგაცია − (ლათ. navigatio < navigo ვცურავ გემზე)

1. რაიმე ობიექტის მართვის პროცესი გადაადგილების განსაზღვრულ სივრცეში. შედგება ორი ძირითადი ნაწილისაგან:

1) ობიექტის მართვის მეთოდების თეორიული დასაბუთება და პრაქტიკული გამოყენება;

2) დამარშუტება, ობიექტის სივრცეში მოძრაობის ოპტიმალური გზის შერჩევა;

2. გემთა მიმოსვლა, ნაოსნობა, ზღვაოსნობა;

3. მეცნიერება, რომელიც სწავლობს გემის მოძრაობის მიმართულების გამოანგარიშებასა და ზღვაში გემის ადგილის განსაზღვრის პრაქტიკულ ხერხებს;

4. წლის ისეთი დრო, როდესაც ადგილობრივი კლიმატური პირობების მიხედვით შესაძლებელია ნაოსნობა;

5. მოძრავი ობიექტის ადგილმდებარეობის, სჩქარისა და ორიენტაციის განსაზღვრა. არსებობს ნავიგაციის შემდეგი სახეები: ასტრონომიული, ბიო-, ინერციული, თანამგზავრული, კოსმოსური, მიწისქვეშა, რადიო-, საავტომობილო, საზღვაო, საჰაერო და სხვ.

[რედაქტირება] წყარო

სამშენებლო ენციკლოპედიური ლექსიკონი