ჩაჩქანი

11:56, 17 ნოემბერი 2022-ის ვერსია

ჩაჩქანი

ჩაჩქანი - თავის დასაცავი ინდივიდუალური საშუალება სახიფათო პირობებში მომუშავე პირებისათვის (მშენებლები, მეშახტეები, სპელეოლოგები, მაშველები, სპორტსმენები, პარაშუტისტები და ა.შ.).

მშენებლებმა ჩაჩქანი გამოყენება დაიწყეს ХХ საუკუნის დასაწყისიდან. თავდაპირველად მას ამზადებდნენ ალუმინისაგან, მაგრამ მასზე მალევე თქვეს უარი, რადგან ალუმინი ელექტრობის კარგი გამტარია და დაიწყეს მისი დამზადება მინაბოჭკოსაგან; 1970 წლებიდან კი ჩაჩქანებისათვის მოიხმარება პოლიეთილენის პლასტიკები. მშენებლობაზე მნიშვნელობა აქვს ჩაჩქანის ფერს: თეთრი – ხელმძღვანელი მუშაკებისათვის, წითელი – სამუშაოთა მწარმოებლებისა და ოსტატებისათვის, ხოლო ყვითელი და ნარინჯისფერი – მუშებისა და უმცროსი მომსახურე პერსონალისათვის.

ჩაჩქანი მზადდება ორი ზომის: I – 54-58 სმ-მდე და II – 58-62 სმ-მდე. დამკვეთის მოთხოვნით შეიძლება უფრო დიდი ზომის (62-64 სმ) ჩაჩქანის დამზადებაც.

იხილე აგრეთვე

მეომრის ჩაჩქანი

წყარო

სამშენებლო ენციკლოპედიური ლექსიკონი