დუზე ელეონორა

13:04, 30 მაისი 2023-ის ვერსია

ელეონორა დუზე

ელეონორა დუზე – (იტალ. Eleonora Duse, 1858-1924), იტალიელი მსახიობი ქალი. 15 წლის ასაკში წარმატებით ითამაშა ჯულიეტას როლი. 1887 წ. შექმნა საკუთარი დასი. 80-იანი წლებიდან გახდა იტალიის ყველაზე პოპულარული მსახიობი ქალი. საზღვარგარეთულმა გასტროლებმა მოუტანა ტრიუმფალური წარმატება. შესრულების დროს აღწევდა პერსონაჟის დახვეწილ ფსიქოლოგიურ დახასიათებას, ავლენდა გმირის წინააღმდეგობრივ თვისებებს, გამოირჩეოდა ნატიფი გრაციით და მომხიბვლელობით. მისი შემოქმედებისთვის განმსაზღვრელი აღმოჩნდა თანამედროვე რეპერტუარი. იტალიაში მან პირველმა ითამაშა იბსენის გმირები, მარგარიტა გოტიე (დიუმა-შვილი), რომელშიც შეუდარებელი იყო, მისი თანამედროვე ვერისტების პიესებში, სახელი გაუთქვა დ’ანუნციოს, ითამაშა მორის მეტერლინკის პიესებშიც. მისი ხელოვნება იყო განმაცვიფრებლად დამაჯერებელი და საოცრად მიმზიდველი. უბრალოება, ადამიანურობა, ქალურობა იყო მისი შემოქმედების განუყრელი მახასიათებლები.

წყარო

მსოფლიო თეატრის ენციკლოპედიური ლექსიკონი