ბ

13:36, 27 დეკემბერი 2023-ის ვერსია

ბ – ქართული ანბანის მეორე ასო. მისი სახელია „ბანი“; გრაფიკული სიმბოლო ბილაბიალური (წყვილბაგისმიერი) მჟღერი ხშული ფონემისა. ასომთავრულში იწერებოდა Ⴁ. მისი მოხაზულობა სწორი ხაზებისა და პატარა წრის კომბინაციაა, რომელიც კვადრატულ არეს იკავებს. VII ს-იდან იგი თავგახსნილია. ნუსხური ⴁ ოდნაე მარჯენივ არის გადახრილი და ოთხხაზოვანი სისტემის ქვედა სამ ხაზშია მოთავსებული. მხედრული ბ-ს ქვედა ნაწილი წრეს კრავს და ზედა სამ ხაზს შორის იწერება:

ძველ ქართულ სათვალავში აღნიშნავდა ორს (2), ახალ ქართულში ჩამოთვლისას (ანბანის რიგის მიხედვით) აღნიშნავს მეორეს. ციფრობრივი ნუმერაციის დროს გამოიყენება ერთი და იმავე ნომრით აღნიშნული რამდენიმე საგნის, პუნქტის… განსასხვავებლად: მეათე პუნქტის ბ მუხლი…

წყარო

ქართული ენა: ენციკლოპედია