დაკე

19:56, 21 ოქტომბერი 2024-ის ვერსია

დაკე – ტაძარი ძველ ეგვიპტეში, მდებარეობს ფილედან 105 კმ. სამხრეთით, ნილოსის დასავლეთ ნაპირზე (ძველი პსელხისი, ეგვ. Pr-ýrkt – „მორიელის სახლი“). მისი მთავარი ღვთაება იყო თოტი, რომელსაც ნუბიის მთავარმა ერგამენესმა (პტოლემაიოს IV-ის მეფობის დროს) კაპელა მიუძღვნა. თოტთან ერთად ეთაყვანებოდნენ ბიგეს და ფილეს ღვთაებებსაც, განსაკუთრებით ისიდას და ოსირისს. შემდეგი პტოლემაიოსების დროს კაპელა ტაძრად იქნა გადაკეთებული. ჯერ კიდევ XIX საუკუნის მოგზაურები აღნიშნავდნენ ტაძრის საოცრად დახვეწილ არქიტექტურულ ფორმებს, მის მსგავსებას ფილეს ცნიბილ ტაძართან და მაღალმხატვრულად შესრულებულ წარწერებს, როგორც ეგვიპტური იეროგლიფებით, ასევე ბერძნულ ენაზე. გასული საუკუნის 60-იან წლებში იუნესკოს ეგიდით მოხდა დაკეს ტაძრის გადატანა, რადგან მას ნასერის ტბის ქვეშ ჩაძირვა ემუქრებოდა.

წყარო

ძველი ეგვიპტის ენციკლოპედია