ჭრელაშვილი სტეფანე

მიმდინარე ცვლილება 17:24, 6 ოქტომბერი 2025 მდგომარეობით

სტეფანე ჭრელაშვილი

ჭრელაშვილი სტეფანე – (ფსევდონიმები: „ტატალა“, „სანო“), (1857– 1917), პუბლიცისტი, კრიტიკოსი. ქართველ ხალხოსანთა წარმომადგენელი.

სიღნაღის საქალაქო სასწავლებლის დამთავრების შემდეგ (1872) სწავლობდა თბილისის სასულიერო სემინარიაში და პეტერბურგის უნივერსიტეტში (თავისუფალ მსმენელად). მონაწილეობდა ქართველ რევოლუციონერ-ხალხოსანთა არალეგალურ წრეში. პოლიტიკური შეხედულებების გამო არაერთხელ იყო დაპატიმრებული თანამშრომლობდა „იმედში“. „დროებაში“, (სადაც 1875 წ. გამოქვეყნდა მისი პირველი პუბლიცისტური წერილი), „ივერიაში“, „კავკაზსა“ და „ვოზროჟდენიეში“. თავის „შინაურ მიმოხილვებში“ მსჯელობდა ქართველი ხალხის სოციალურ და პოლიტიკურ ცხოვრებაზე, კულტურის საკითხებზე. ავტორია წერილების სერიისა „ქართველთა შორის“. ლიტერატურულ-კრიტიკულ სტატიებში მიმოხილული აქვს იმდროინდელი ქართული მწერლობა. ფლობდა უცხო ენებს და ეწეოდა მთარგმნელობითს მუშაობასაც.

[რედაქტირება] ლიტერატურა

• ლ. ჭრელაშვილი, სტეფანე ჭრელაშვილი, 1963.

[რედაქტირება] წყარო

• ქართული მწერლობა: ლექსიკონი-ცნობარი.