აგდარი

11:58, 9 აგვისტო 2017-ის ვერსია

აგდარ-ი (ოს. Агдар) – საოჯახო და საერთო-სასოფლო დღესასწაულებისათვის ლუდისა და არყის მოსახარში თუ გამოსახდელი დიდი ზომის სპილენძის ქვაბის შემნახველი ან მფლობელი. კოლექტიურ სარგებლობაში არსებული ასეთი ქვაბი, რომელსაც ხშირად რამდენიმე სოფელი იყენებდა, ძველად იშვიათობას წარმოადგენდა, საკულტო საგნის რანგამდე იყო აყვანილი და მის დაცვაზე პასუხს აგდარი აგებდა.

„Агдар“-ი შედგენილი ტერმინია, რომლის პირველი სეგმენტი – аг ოსურ ენაში „ქვაბს“ აღნიშნავს, ხოლო მეორე – дар მომდინარეობს სიტყვიდან дарын – „შენახვა“.

ლიტერატურა

• Чибиров Л. А. Народный земледельческий календарь осетин. Цхинвали, 1976;
• Дзадзиев А. Б., Дзуцев Х. В., Караев С. М. Этнография и мифология осетин. Владикавказ, 1994.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“,- თბილისი 2017