ბიცენონი

15:15, 11 იანვარი 2018-ის ვერსია

ბHცენონ-ი (ოს. Быценон) – ნართული ეპოსის პერსონაჟი, მითიური ჯუჯა ხალხის – ბHცენთების ქალიშვილი, ნართი ხამიცის ცოლი, სახელოვანი გმირის – ბათრაძის დედა, ფიცხი და მოუთმენელი ხასიათის ქალი. იგი დღისით ბაყაყის სახით არსებობს და ქმარს უბით დაჰყავს, ღამით კი მზეთუნახავი ქალი ხდება; არის უბადლო თერძი; ხამიცის მიერ საქორწინოდ მომზადებული ფართალისაგან ქორწინების პირველ ღამეს ბHცენონმა ასი კაცის სამოსი შეკერა, მეორე ღამეს – ორასი კაცის სამყოფი და ქმრის ხელით ნართებს დაურიგა. სირდონისაგან გულნატკენმა ორსულმა ბHცენონმა ჩანასახი ხამიცს ბეჭებს შორის ჩაასუნთქა და თავად ბHცენთებთან წავიდა.

ლიტერატურა

• Нарты. Осетинский героический эпос. Т. I. М., 1990;
• Сказания о нартах. Пер. Ю. Лебединского. Владикавказ, 2000.

წყარო

ნუგზარ ანთელავა. კავკასიის ხალხთა მითები და რიტუალები. - გამომცემლობა „უნივერსალი“, - თბილისი2017