ედუარდ შევარდნაძე

13:59, 16 თებერვალი 2018-ის ვერსია

ედუარდ შევარდნაძე

შევარდნაძე ედუარდ ამბროსის ძე (დ. 25 იანვარი, 1928, მამათი — გ. 7 ივლისი, 2014, თბილისი) — ქართველი პოლიტიკოსი, საქართველოს პრეზიდენტი, სამხედრო ძალების უმაღლესი მთავარსარდალი (1995-2003).

განათლება

დაამთავრა ა. წულუკიძის სახელობის ქუთაისის პედაგოგიური ინსტიტუტი (1959).

პოლიტიკური მოღვაწეობა და თანამდებობები

• 1957-61 წლებში იყო საქართველოს სსრ-ის კომკავშირის პირველი მდივანი.
• 1958 წლიდან იყო კომპარტიის ცენტრალური კომიტეტის წევრი.
• 1961-64 წლებში კომპარტიის მცხეთის რაიონული კომიტეტის პირველი მდივანი,
• თბილისის პირველი მაისის რაიონის რაიკომის მდივნი (1964).
• საქართველოს სსრ შინაგან საქმეთა მინისტრი (1965-72),
• 1972 წლის ივლისიდან სექტემბრამდე საქართველოს კომუნისტური პარტიის თბილისის საქალაქო კომიტეტის პირველი მდივანი.
• საქართველოს სსრ-ის ცკ კომპარტიის პირველი მდივანი (1972-85),
• საბჭოთა კავშირის საგარეო საქმეთა მინისტრი (1985-90), აქტიურად მონაწილეობდა გერმანიის გაერთიანებაში.
• 1992 წელს საპარლამენტო არჩევნებით მოხდა შევარდნაძის ხელმძღვანელობის ლეგიტიმაცია.
• საქართველოს რესპუბლიკის პარლამენტის თავჯდომარე (1992-95),
• საქართველის თავდაცვის მინისტრი (შეთავსებით 1994).

1995 წელს შექმნა პარტია "საქართველოს მოქალაქეთა კავშირი", რომელიც წამყვანი პარტია გახდა საქართველოში (1995-2002).

1995 წლის ნოემბერში აირჩიეს საქართველოს პრეზიდენტად ხმათა 74%-ით. 2000 წლის 9 აპრილს ხმათა 82%-ით ხელმეორედ აირჩიეს საქართველოს პრეზიდენტად. "ვარდების რევოლუციიის" შემდეგ გადადგა დაკავებული თანამდებობიდან (2003 წლის 23 ნოემბერი).

იხილე აგრეთვე

ედუარდ შევარდნაძე

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი2017