გაბიძაშვილი ოთარ

მიმდინარე ცვლილება 00:28, 10 ოქტომბერი 2023 მდგომარეობით

ოთარ გაბიძაშვილი – (1997-2003) ფილოსოფიის მეცნიერებათა კანდიდატი (1956) პროფესორი (1986), დაიბადა სოფელ დერჩში (წყალტუბოს რაიონი), 1952 წელს დაამთავრა თბილისის სახელმწიფო უნივერსიტეტის ფილოსოფიის ფაკულტეტი. სხვადასხვა დროს მუშაობდა საქართველოს მეცნიერებათა აკადემიის ფილოსოფიის ინსტიტუტში (1956-1960), თბილისის სახელმწიფო უნივერსიტეტის ეთიკისა და მეცნიერული ათეიზმის კათედრის გამგედ (1969-1979), ამავე უნივერსიტეტის ფილოსოფიისა და ფსიქოლოგიის ფაკულტეტის დეკანად (1974-1994), რელიგიათმცოდნეობისა და ეთიკის კათედრის გამგედ (1994-1999).

ო. გაბიძაშვილის კვლევის მთავარი სფეროები იყო: რელიგიის ისტორია, რელიგიის სოციოლოგია, ათეიზმის თეორია და ისტორია. იგი 1989-1990 წლებში მონაწილეობდა გისენის (გერმანია), ბრნოს (ჩეხოსლოვაკია) და თბილისის საერთაშორისო კონფერენციებში, როგორც მათი ერთ-ერთი ორგანიზატორი.

[რედაქტირება] თხზულებები

• „ტრადიციების არსი და ფუნქცია“ (თბილისი, 1977);
• „რელიგიის სოციოლოგია“ (თბილისი, 1984);
• „რელიგია, როგორც სოციალური მოვლენა“ (თბილისი, 1986);
• „რელიგიათმცოდნეობა“ (თბილისი, 1999).

[რედაქტირება] წყარო

ქართველი ფილოსოფოსები: (IV საუკუნიდან XX საუკუნის ჩათვლით)