სალუქვაძე გიორგი

მიმდინარე ცვლილება 14:00, 2 აპრილი 2026 მდგომარეობით

სალუქვაძე გიორგი – (1922 – 1987), პოეტი, საზოგადო მოღვაწე, დაიბადა ჩოხატაურის რაიონის სოფელ კოხნარში. დაამთავრა ბათუმის №9 საშუალო სკოლა, შემდგომში – ბათუმის შოთა რუსთაველის სახელობის სახელმწიფო პედაგოგიური ინსტიტუტი (ფილოლოგიის სპეციალობით).

პირველი ლექსი 1938 წელს დასტამბა; პირველი წიგნი („ჩემი მიწა“) 1945 წელს გამოსცა.

გიორგი სალუქვაძე ავტორია ლექსთა კრებულებისა: „ლირიკა“ (1955), „სანაპიროზე“ (1959), „რჩეული“ (1973), „პატიოსნება“ (1977), „რჩეული ლექსები", „ლირიკული პოემა“ (1992) და სხვ.

ნაყოფიერად მუშაობდა საბავშვო ჟანრშიც. გამოსცა წიგნები: „ჩიტის ბუდე“, „თოჯინების ნაამბობი“, „რა ხანია გათენდა", „თეას წიგნი“

ეწეოდა მთარგმნელობით საქმიანობას. თარგმნა სერგეი ესენინის, რასულ გამზათოვის, ფრანგი კლასიკოსების (კორნელი, რასინი, ვოლტერი) ნაწარმოებები; ჯაკომეტის „დამნაშავის ოჯახი“ და კორნელის „სიდი“.

ბათუმის სახელმწიფო დრამატული თეატრის სცენაზე დაიდგა გიორგი სალუქვაძის „დიდი გზა“, „მამულო საყვარელო"“, „მინდია“

სხვადასხვა დროს მუშაობდა: ბათუმის სახელმწიფო დრამატული თეატრის ლიტერატურული ნაწილის გამგედ, აჭარის სახელმწიფო გამომცემლობის დირექტორად, ალმანახ „ტალღის“ რედაქტორად, ჟურნალ „ლიტერატურული აჭარის“ კულტურის განყოფილების გამგედ, გაზეთ „საბჭოთა აჭარის" პასუხისმგებელ მდივნად.

დაჯილდოებულია აჭარის ავტონომიური რესპუბლიკის უზენაესი საბჭოს საპატიო სიგელით (1996 წლის 9 აპრილის ბრძანებულებით).

გარდაცვალებამდე ხელმძღვანელობდა საქართველოს მწერალთა კავშირის აჭარის განყოფილების პოეზიის სექციას.

გიორგი სალუქვაძე გარდაიცვალა 1987 წელს. დაკრძალულია ქალაქ ბათუმის მწერალთა და საზოგადო მოღვაწეთა პანთეონში.

[რედაქტირება] წყარო

საინფორმაციო ცნობარი აჭარაში მოღვაწე მწერალთა შესახებ