უენდა გუ

'''უენდა გუ''' – უენდა გუ (Wenda Gu, d. 1955) თავის შემოქმედებას ადამიანების გაერთიანებას უძღვნის. ჩინეთის სახვითი ხელოვნების ეროვნულ [[აკადემია|აკადემიაში]] მან ტრადიციული მელნის ფერწერა შეისწავლა. ამერიკის შეერთებულ შტატებში გუ 1987 წელს გადმოვიდა საცხოვრებლად, 1992 კი შეუდგა გლობალურ პროექტს, სახელწოდებით - „გაერთიანებული ერების სერია”. ამ სერიის თითოეული „[[მონუმენტი]]” შექმნილია ადამიანის თმებისგან, რომლებსაც არტისტი მსოფლიოს სხვადასხვა ქვეყნების სილამაზის და თმის სალონებში აგროვებს. ამ მასალას გუ ბლოკებად ან წნულებად ხალიჩებსა და ფარდაგებში აქსოვს და მათ თავისი მოგონილი იდიოგრამებით ფარავს. ჩინური მონუმენტი: ზეციური ტაძარი სხვადასხვა ეროვნების ადამიანების თმებსა და ჩინური, ინგლისური, ჰინდის და არაბული დამწერლობის შერეულ წარწერებს შეიცავს, რომლებიც „ადამიანის ცოდნის ნაკლულობას გვახსენებს”. გუ ასევე ქმნის „ეროვნულ” მონუმენტებს, რომელთა ცალკეული ნიმუშები [[პოლონეთი|პოლონეთში]], [[ისრაელი|ისრაელში]] და [[ტაივანი|ტაივანშია]] ინსტალირებული. ყოველი მათგანი მასპინძელ ქვეყანაში შეგროვებული თმისგან მზადდება და ამ ქვეყნის პრობლემებს ასახავს. „გაერთიანებული ერების სერიის” „ტრანსნაციონალური” მონუმენტები უფრო გლობალური ხასიათის საკითხებს ეხება და სხვადასხვა ქვეყნებში შეგროვებული თმებისგანაა შექმნილი. ასეთნაირად, ხელოვანი ახალი ათასწლეულისთვის „ახალ, გაბედულ რასობრივ იდენტობას” გვთავაზობს.