აკობია შოთა

მიმდინარე ცვლილება 10:56, 14 აგვისტო 2025 მდგომარეობით

შოთა აკობია

აკობია შოთა – (1920 – 1996), ქართველი მწერალი, პოეტი და მთარგმნელი, დაიბადა სოფელ ჭალეში (წალენჯიხა); 1942 წელს დაამთავრა თბილისის სამხატვრო აკადემია და თსუ-ს ფილოლოგიის ფაკულტეტი (დაუსწრებლად). 1938 წელს გამოაქვეყნა პირველი ლექსი „ბაღში”, 1951 წელს – ლექსების პირველი წიგნი „სამშობლოს დილა”. მასვე ეკუთვნის რომანები „თეთრი ჩრდილი”, „სიყვარული და სინათლე”, მოთხრობების წიგნები, საბავშვო ნაწარმოებები, აფხაზი მწერლების ნაწარმოებთა თარგმანები და სხვა.

* * *

ასე ამბობს შემოდგომა

ყველაფერი შეიცვალოს,

გორაკებად აღიმართოს

აქეთ კალო, იქით კალო!

ჩურჩხელები მზეზე გაშრეს,

ლეღვის ჩირი მზეზე გაშრეს...

ხილეული, ტკბილეული

მთელი წელი ეყოთ ბავშვებს!

შემოდგომავ, დაგებედოს

სიხარული ბევრზე ბევრი,

შენ ნამდვილი ოქრო ხარ და

მიტომაც ხარ ოქროსფერი.

[რედაქტირება] წყარო

ქართველი პოეტები (ენციკლოპედია)