იოანე პეტრიწი
მ (მომხმარებელმა Tkenchoshvili გვერდი „იოანე პეტრიწი“ გადაიტანა გვერდზე „პეტრიწი იოანე“) |
მ (მომხმარებელმა Tkenchoshvili გვერდი „პეტრიწი იოანე“ გადაიტანა გვერდზე „იოანე პეტრიწი“ გადამისამარ...) |
23:39, 9 მარტი 2022-ის ვერსია
იოანე პეტრიწი – XI-XII სს ფილოსოფოსი, ნეოპლატონიკოსი (გადმოცემით იოანე ფილოსოფოს ჭიმჭიმელსაც უწოდებდნენ). ბიოგრაფიული ცნობები არ მოგვეპოვება, მხოლოდ XVIII საუკუნის მწიგნობარნი იუწყებიან, რომ იოანე პეტრიწი სამცხიდან იყო, დიდგვაროვანი ჩამომავლობისა. სწავლობდა კონსტანტინოპოლში, მანგანის აკადემიაში, სადაც მას ასწავლიდნენ ბიზანტიური რენესანსის წარმომადგენლები.
იოანე პეტრიწის ფილოსოფიური მემკვიდრეობა წარმოდგენილია თარგმანებითა და ორიგინალური თხზულებით („განმარტება პროკლესთვის დიადოხოსისა და პლატონურისა ფილოსოფიისად”). თარგმნა არისტოტელეს ორი თხზულება: „ტოპიკა” და „განმარტებისათვის” („პერი-ჰერმენეია”), ნემესიოს ემესელის „ბუნებისათვის კაცისა”. იოანე პეტრიწმა დიდი გავლენა მოახდინა ძველ ქართულ ფილოსოფიურ აზროვნებაზე, საერო პოეზიასა და საისტორიო მწერლობაზე, განსაკუთრებით კი ანტონ I-ის ლიტერატურულ სკოლაზე. ქართველი ფილოსოფოსის, საეკლესიო მოღვაწის, ღირსი იოანეს თხზულებებს დიდი მნიშვნელობა ჰქონდა ქართული სასულიერო მწერლობისათვის. ღირსი იოანეს ფრესკა გამოსახული ყოფილა იერუსალიმის ჯვრის მონასტერში.
